आहे तुजपाशीच

महिला आणि युवती यांच्या म्हणून अशा वेगळ्या समस्या असतात. त्यांचे काही प्रश्न असतात.आपल्याकडील कुटंब व्यवस्थेच्या चौकटीत त्यावर मोकळेपणाने बोलता येत नाही. नातेसंबंधातून वाढलेल्या अपेक्षा, समाजाने ठरवून दिलेली चौकट, जबाबदार्यां मुळे बौद्धिक भूक भागविण्याला येणरी मर्यादा अशा विविध पैलूंसंदर्भात त्यांना समजावून घेणे आणि तज्ज्ञांमार्फत त्यावर मार्गदर्शन करणे असा या कार्यशाळेचा हेतू आहे. जगण्याच्या व्यवहाराकडे पाहण्याचा दृष्टिकोन अधिक सकारात्मक करण्यासाठी आनंददायी संवाद साधणार्याा या कार्यशाळेत तज्ञांची व्याख्याने, मुलाखती, गप्पा समाविष्ट होऊ शकतात. ज्योती अंबेकर या कार्यशाळेचे संयोजन आणि सूत्रसंचालन करतात. वेळेच्या उपलब्धतेप्रमाणे कार्यक्रमाची आखणी करता येते.